Түркия мен Сирия шекарасында тағы да жер сілкінді

Түркия мен Сирияның шекарасында тағы да жер сілкінді. Магнитудасы 6,3-ті құрайтын зілзала жайлы жергілікті БАҚ хабарлап жатыр, деп жазады KAZ.NUR.KZ.

Риа Новости мәліметінше, жерасты дүмпуі Астана уақытымен 23:04-те Түркияның Антакья қаласынан 9, Сирияның Латакия аймағынан 75 шақырымда сезілген.

Жерасты дүмпуінің ошағы екі шақырым тереңдікте орналасқан.

"Аяқ астында жер қозғалды. Қатты дүмпулер болды, қираған заттар бар",- деп хабарлады CNN Turk тілшісі.

Айта кетелік, 6 ақпан күні Түркияның оңтүстік-шығысында 7,5 балдық жойқын жер сілкінісі болып, 40 642 адам қайтыс болды.

Сирияда 5800 адам көз жұмған.

Жерасты дүмпулері 13,5 миллион адам тұратын Түркияның 10 провинциясында сезілген.

Мәтіннен қате тапсаңыз, бізге жазыңыз