Байден Израильге барды
Жарияланған күні:
![Джо Байден Джо Байден](https://cdn.nur.kz/images/1120x630/0f3919a5bcb1df41.jpeg)
АҚШ президенті Джо Байден Израильге барды. Осыған дейін АҚШ-тың мемлекеттік хатшысы Энтони Блинкен Джо Байденнің Израильге баратынын мәлімдеген еді, деп хабарлайды CNN арнасы.
АҚШ президенті Джо Байден Израильдің Тель-Авив қаласына барды.
Америка Құрама Штаттары президентінің сапары Газа секторындағы ауруханада болған жарылыстан кейінгі наразылықтарға байланысты ұйымдастырылған.
"Байден сапарында ХАМАС-ты жоюға тырысатын Израильге қолдау көрсетуге тырысады. Сонымен қатар Газа секторындағы гуманитарлық азапты жеңілдету жолдарын іздейді", - деп жазды басылым авторлары.
CNN хабарлауынша, Байден екіжақты кездесу аясында Израиль премьер-министрі Биньямин Нетаньяхумен келіссөздер өткізеді. Кездесуге АҚШ-тың ресми өкілдері мен Израильдің әскери кабинеті қатысады.
Мақаланың түпнұсқасы: https://kaz.nur.kz/world/2041541-baiden-izrailge-bardy/