Top.Mail.Ru

Сайт нұсқасы

ru kz

Зектілері

Газадағы Әл-Шифа ауруханасының маңында кепілге алынған израильдік әйелдің денесі табылды

Опубликовано:

Газа секторы
Газа секторы. Фото: Ali Moustafa/Getty Images

Израиль әскерилері 7 қазанда ХАМАС содырлары ұрлап кеткен израильдік әйелдің денесі Газадағы Әл-Шифа ауруханасы маңынан табылғанын мәлімдеді. Бұл туралы KAZ.NUR.KZ тілшісі CNN арнасына сілтеме жасап хабарлайды.

"ХАМАС содырлары ұрлап кеткен 65 жастағы израильдік әйел Газадағы Аль-Шифа ауруханасының маңында өлі табылды", - деп хабарлады Израиль әскерінің өкілі.

Әскерилер әйелдің денесін Израильге жеткізген.

Мәлімдемеде оның қалай және қашан өлтірілгені айтылмаған, бірақ әскерилер, медицина қызметкерлері мен дін өкілдері марқұмның жеке басын анықтап, оның отбасына хабарлаған.

Израиль әскері әйелді ХАМАС өкілдері өлтіргенін мәлім етті.

Осы аптаның ортасында Израиль армиясы Газадағы ең үлкен ауруханасына операция жүргізілетінін хабарлаған еді. Ресми мәлімдемеде Израиль әскерилері атыс бейбіт тұрғындарға қарсы бағытталмағанын айтты.

BBC Ресейдегі қызметінің мәліметінше, Америка Құрама Штаттары аурухананың жерасты үй-жайларында ХАМАС содырлары жасырылып жатуы мүмкін екені туралы да ақпарат бар екенін мәлімдеді. Алайда топ өкілдерінің өздері мұны жоққа шығарып отыр.

Мақаланың түпнұсқасы: https://kaz.nur.kz/world/2046249-gazadagy-al-sifa-auruxanasynyn-manynda-kepilge-alyngan-izraildik-aieldin-denesi-tabyldy/