Кир Стармер ресми түрде Ұлыбританияның жаңа премьер-министрі атанды

Король III Чарльз Ұлыбританияның жаңа премьер-министрін тағайындады. Бұл қызметке лейбористер лидері Кир Стармер келді, деп хабарлайды Sky News сайтына сілтеме жасаған KAZ.NUR.KZ.

Сэр Кир Стармер Букингем сарайындағы корольдің ресми қабылдауынан кейін премьер-министр болды.

Король Стармерді кешегі сайлауда жеңіске жеткеннен кейін жоғарғы лауазымды иеленуге әрі жаңа үкіметті құруға шақырды.

Кир Стармер ресми түрде Ұлыбританияның 58-премьер-министрі атанды.

Айта кетейік, бұған дейін жаңадан тағайындалатын Ұлыбританияның жаңа премьер-министрі, лейбористер лидері Кир Стармер туралы жазған едік.

Ал бұған дейін премьер-министр болған Риши Сунак сайлауда жеңілгеннен кейін Ұлыбритания үкіметі басшысы қызметінен кететінін мәлімдеді.

Мәтіннен қате тапсаңыз, бізге жазыңыз