Қырғыз үкіметі жаңа жылға орай жеті күн демалуды ұсынды
Жарияланған күні:
Қырғызстан Еңбек министрлігі 2025 жылғы 1-7 қаңтар аралығын демалыс күн деп жариялауды ұсынып, құжат жобасын қоғам талқылауына ұсынды. Бұл туралы KAZ.NUR.KZ Kabar.kg сайтына сілтеме жасай отырып хабарлады.
Министрлік қаулысы мемлекет бюджетінен қаржыландырылатын мекеме қызметкерлеріне 1 қаңтардан бастап 7 қаңтарға дейін демалыс беруді қарастырады.
Ұсыныс демалыс және мереке күндерін тиімді пайдалану мақсатында дайындалған.
Қаулы жобасын қабылдау үшін басқа да заңнамаларға өзгеріс енгізу қажет емес.
Қазақстандықтар Жаңа жыл мерекесіне орай 2025 жылғы 1 және 2 қаңтарда демалып, 3 қаңтар жұмысқа шығады.
Еске салсақ, биыл сәуірде Қырғызстан премьер-министрі Ақылбек Жапаров үкімет мүшелеріне тойға қатысуға тыйым салған болатын.
Жапаровтың айтуынша, ел президентінің барлық жарлығы мен тапсырмасы сапалы әрі уақытылы орындалуға тиіс.
Автор: Талғат Дүйсенбек
Мақаланың түпнұсқасы: https://kaz.nur.kz/world/2187173-qyrgyz-ukimeti-zhanga-zhylga-orai-zheti-kun-demaludy-usyndy/
