Зеленский Украина қандай жағдайда жеңілуі мүмкін екенін айтты
Опубликовано:
Украина президенті Владимир Зеленский Fox News арнасына берген сұқбатында АҚШ-тың Киевке қолдау көрсетуді тоқтатуы Украинаның соғыста жеңілуіне әкеп соқтыруы мүмкін екенін мәлімдеді. Бұл туралы KAZ.NUR.KZ хабарлайды.
Зеленскийдің сөзінше, Украинаның өзінің өндірістік қуаты бар, алайда АҚШ Киевке көмектесуін тоқтатса, ол жетпеуі мүмкін.
"Егер Америка Құрама Штаттары көмекті қысқартса, біз жеңілеміз деп ойлаймын, әрине, бізде өз өндірісіміз бар, бірақ бұл жеңіске жету үшін жеткіліксіз", - деді Зеленский.
Сұқбат барысында Зеленский журналистің "Трамп Путинді соғысты тоқтатуға көндіре ала ма?" деген сауалына да жауап берді.
"Оны көндіру оңай шаруа емес, бірақ АҚШ өзінің барлық мүмкіндігін пайдаланса, алынбайтын қамал жоқ деп ойлаймын. Путиннен әлдеқайда күшті Америка Құрама Штаттарының ықпалы зор", - деп есептейді Украина басшысы.
- Путин Ресейдің жаңа ядролық доктринасын мақұлдады
- "АҚШ-тың ұрысқа тікелей араласуы": Ресей СІМ ATACMS зымырандарына қатысты мәлімдеме жасады
Мәтіннен қате тапсаңыз, бізге жазыңыз
Оригинал статьи: https://kaz.nur.kz/world/2189819-zelenskii-ukraina-qandai-zhagdaida-zhengilui-mumkin-ekenin-aitty/