Embraer компаниясы Ақтау маңындағы ұшақ апатына байланысты мәлімдеме жасады
Опубликовано:
Бразилияның Embraer әуеөнеркәсіп конгломераты Маңғыстау облысында өзі шығарған ұшақтың апатқа ұшырауына байланысты мәлімдеме жасады. Бұл туралы KAZ.NUR.KZ компания сайтына сілтеме жасай отырып хабарлайды.
Embraer компаниясының өкілдері Ақтау маңында болған ұшақ апатына қатты қайғыратынын мәлімдеді.
"Осы апаттан зардап шеккен адамдардың отбасыларына, достарына, әріптестері мен жақындары қайғыра көңіл айтамыз. Біз оқиғаны жіті бақылап отырмыз, бұған қоса тиісті органдармен бірге жұмыс істеуге әзірміз", - деп мәлімдеді конгломерат өкілдері.
Embraer – жолаушы ұшақтары өндірісіндегі әлемдегі ең ірі компаниялардың бірі.
Бұған дейін Қазақстан, Әзербайжан және Ресей биліктері ұшақ апатын тергеп жатқанын мәлімдеген. Оған Embraer өкілдері қосылар-қосылмайтыны әзірге белгісіз.
- БАҚ: Ақтауда апатқа ұшыраған ұшақ бірер күн бұрын Түркияда келеңсіз жағдайға тап болған
- Әзербайжан төтенше жағдайлар министрі Ақтауда ұшақ апатынан зардап шеккендердің жағдайын айтты
Мәтіннен қате тапсаңыз, бізге жазыңыз
Оригинал статьи: https://kaz.nur.kz/accidents/emergency/2205183-embraer-kompaniiasy-aqtau-mangyndagy-ushaq-apatyna-bailanystymalimdeme-zhasady/