ХАМАС Исмаил Ханияның қазасы жөнінде Израиль таратқан ақпаратты жоққа шығарды

Опубликовано:30 желтоқсан 2024, 08:01

Палестиналық ХАМАС қозғалысы Израильдің БАҚ-та қозғалыс жетекшісі Исмаил Ханияның өлімі туралы таратқан мәліметін жалған деп мәлімдеді. Бұл туралы KAZ.NUR.KZ РБК сайтына сілтеме жасап хабарлайды.

ХАМАС-тың ресми мәлімдемесі ұйымның Telegram-дағы арнасында жарияланды.

"ХАМАС бүгін сионистік басқыншылардың қозғалыстың саяси бюросының басшысы, шейіт болған жетекшісі Исмаил Ханияның өлімі жайлы таратқан барлық жалған ақпаратын жоққа шығарады", - делінген хабарламада.

Израильдік БАҚ Ханияның қонақүйдегі бөлмесіне алдын ала қойылған бомбаның жарылуы салдарынан қаза тапқанын хабарлаған еді. Алайда ХАМАС бұл деректі жоққа шығарып, басқа мәлімет келтірді.

Ұйымның баспасөз қызметінің мәлімдеуінше, Иранның барлау органдары мен біріккен қауіпсіздік комитеті жүргізген тергеу нәтижесінде, Ханияның өліміне себеп болған қару – оның ұялы телефонына бағытталған 7 келілік басқарылатын зымыран.

Бұған дейін израильдік БАҚ Хания жатын бөлмесіне алдын ала орнатылған жарылғыш заттан қаза тапқанын жазған.

Бұған дейін Тегеранда ХАМАС қозғалысы саяси бюросының басшысы Исмаил Хания шабуыл кезінде көз жұмғанын жазған болатынбыз. Бұл ақпаратты Ислам революциясы сақшылары корпусы растады.

Көп ұзамай Израиль қорғаныс министрі Исраэль Кац шілде айының соңында Тегеранда палестиналық исламшыл ХАМАС тобының жетекшісі өлімінің артында Израиль тұрғанын алғаш рет растады.

Мәтіннен қате тапсаңыз, бізге жазыңыз