Дональд Трампты ұлықтау рәсіміне шамамен 250 мың адам қатысады
Опубликовано:
АҚШ президентін ұлықтау рәсіміне 250 мыңдай адам қатысады, деп хабарлайды 24kz.
Іс-шара 20 қаңтарда өтеді. Осыған орай қауіпсіздік шаралары күшейтілген. Бұл күні Колумбия аймағын 25 мың әскери қызметкер мен полицей күзетеді. Бұдан бөлек, Ұлттық гвардияның 8 мың сарбазы мен өзге штаттардан қосымша тағы 4 мың полиция қызметкері келеді.
Салтанатты іс-шараның барлық шығыны америкалықтардың салығы есебінен қаржыландырылады. Ал мерекелік парад пен мерекелік кешті ұйымдастыру жағын Дональд Трамптың ұлықтау комитеті өтейді.
Бұл қорға 170 млн доллар жиналған. Комитеттің ірі донорлары арасында Uber, Ford, Meta, Amazonсекілді компаниялар бар.
Еске салсақ, бұған дейін АҚШ-тың жаңа сайланған президенті Дональд Трамп Ресей президенті Владимир Путинмен кездесуге дайындық процесі жүріп жатқанын айтқаны туралы жазған едік.
Ол, сондай-ақ Украинадағы соғысты аяқтау үшін алты ай қажет деп есептейтінін айтқан болатын.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/world/2212788-donald-trampty-ulyqtau-rasimine-shamamen-250-myng-adam-qatysady/