Иран өзіне жасалған шабуылға жауап ретінде Израильге қарай ондаған зымыран бағыттады

Жарияланған күні:28 ақпан 2026, 15:05

NourNews Иран агенттігінің ақпаратына сәйкес, Иран АҚШ пен Израильдің шабуылына жауап ретінде Израильге қарай ондаған баллистикалық зымыран бағыттады. Бұл туралы ТАСС агенттігіне сілтеме жасаған KAZ.NUR.KZ хабарлайды.

ЦАХАЛ-дың өз Telegram арнасында жариялаған мәлімдемесінде Ираннан да зымырандар ұшырылғаны сөз етілген.

Мәлімдемеде Израиль халқына жақындап келе жатқан қауіп туралы алдын ала ескерту жасалып, азаматтардан қауіпсіз жерлерге жасырыну сұралған.

Еске салсақ, 27 ақпанда Қазақстан Сыртқы істер министрлігі Иран төңірегінде шиеленістің сақталуына байланысты Қазақстан азаматтарына жағдай тұрақталғанға дейін Иранға барудан уақытша бас тартуды ұсынған болатын.

Ал 28 ақпанда Израиль қорғаныс министрлігі ЦАХАЛ Иранға алдын ала соққы жасағанын хабарлады.

Артынша Трамп АҚШ Иранға қарсы ауқымды әскери операцияны бастағанын мәлімдеді.

Мәтіннен қате тапсаңыз, бізге жазыңыз