Алматыда хостел өртенді: қала әкімдігі мәлімет берді

Бүгін Алматыда Әди Шәріпов көшесіндегі хостел өртеніп, 13 адам қаза болған еді. Оқиға орнына 59 адам эвакуацияланды, деп хабарлайды қала әкімдігінің баспасөз қызметі.

"Сағат 08:40-тағы жағдай бойынша өрт орнынан 59 адам эвакуацияланды, оның үшеуі Жедел жәрдем ауруханасына жеткізілді.

Қазір 56 адам жақын маңдағы мектеп ғимаратына уақытша орналастырылды. Ыстық тамақпен қамтамасыз етіліп, қажетті медициналық және психологиялық көмек толық көлемде көрсетіледі", - делінген хабарламада.

Ведомство мәліметінше, бір сағаттың ішінде адамдарды аудандағы қонақүйлерге орналастыру қамтамасыз етіледі.

Айта кетейік, 30 қарашада сағат 05:33-те Алматы қаласы Ади Шәріпов көшесіндегі жатақханадан өрт шығып, салдарынан 13 адам қаза болды.

Қалалық Денсаулық сақтау басқармасының баспасөз қызметі 2 адамның Алматы қалалық жедел шұғыл көмек көрсету ауруханасына жеткізілгенін мәлімдеген еді.

Мәтіннен қате тапсаңыз, бізге жазыңыз