Алматыда құтқарушылар шаршап қалған туристерді таудан түсірді

Алматыда жас туристер құтқарылды. Олар шаршап қалғандықтан, таудан өздігінен түсе алмаған, деп хабарлайды KAZ.NUR.KZ ТЖМ-ге сілтеме жасап.

Ведомство мәліметінше, Бостандық ауданы Үлкен Алматы шатқалында 20-25 жас аралығындағы үш адамнан тұратын топ құтқарылды. "Советов" шыңынан түсу кезінде туристтер шаршап өздігінен түсе алмаған.

РЖҚЖ құтқарушылары туристерді таудан төменге түсіріп, ата-аналарына аман-есен тапсырды. Жастарға медициналық көмек қажет болмады.

Айта кетейік, Жетісу облысында қайықтағы үш адам құтқарылды.

Сондай-ақ Жетісу облысында жел ұшырып кеткен үш турист құтқарылғанын жазған едік.

Маусым айының аяғында ТЖМ құтқарушылары Алматы тауларында жеті жасөспірімді құтқарған болатын.

Мәтіннен қате тапсаңыз, бізге жазыңыз