"Семей орманы" орман табиғи резерватындағы өрт екі тәуліктен соң толық оқшауланды (фото)

ТЖТ Абай облысы "Семей" орманы табиғи резервуатындағы өрт толықтай сөндірілгенін хабарлады. Екі тәулік бойы жүздеген құтқарушы мен техника жұмылдырылған табиғи апатпен күресті, деп хабарлайды ведомствоның ресми Telegram-арнасына сілтеме жасаған KAZ.NUR.KZ.

"Абай облысы "Семей орманы" мемлекеттік орман табиғи резерваты Бородулиха филиалының Камышенка орманшылығының орман алқабының жануы оқшауланды", - делінген хабарламада.

Еске салсақ, 16 шілдеде сағат 09:45-те "Семей орманы" мемлекеттік орман табиғи резерваты Бородулиха филиалының Қамышен орманшылығының 57-орамында орман өрті тіркелді.

Сол күні премьер-министр Олжас Бектенов төтенше жағдайлар министрі Шыңғыс Әрінов пен экология және табиғи ресурстар министрі Ерлан Нысанбаевқа "Семей орманы" аумағында орман өртін сөндіру жұмыстарын үйлестіру мақсатында Абай облысына шұғыл баруды тапсырды.

Жақын маңдағы елді мекендерді қорғау және өрттің одан әрі таралуының алдын алу шараларын күшейту тапсырылды.

"2026 жыл 16 шілде сағат 16:00-дегі жағдай бойынша өрт сөндіруге 400-ден астам адам және 100-ге жуық техника жұмылдырылды. Көлемі 100 тоннадан асатын су себілді", - делінген хабарламада.

Ал 16 шілдедегі кешкі сағат 20:00-дегі жағдай бойынша өртті жүздеген адам сөндіріп жатқаны белгілі болған. Осылайша, "Семей орман" табиғи резервуатындағы өртті құтқарушылар 2 тәулік бойы сөндірді.

Мәтіннен қате тапсаңыз, бізге жазыңыз