COVID-19: Еліміздің алты өңірі "қызыл" аймақта

Елімізде коронавирустың таралуына жол бермеу жөніндегі ВАК 3 сәуірдегі жағдай бойынша Қазақстан аймақтарындағы эпидемиологиялық ахуалды бағалау матрицасын ресми Telegram-каналында жариялады.

Жағдай алдыңғы күнмен салыстырғанда айтарлықтай өзгерген жоқ деуге болады.

Нұр-Сұлтан, Алматы қалалары, Атырау, Ақтөбе, Алматы және Батыс Қазақстан облыстары "қызыл" аймақта қалуда.

Ал "сары" аймақта: Шымкент қаласы, Ақмола және Қарағанды ​​облыстары.

Еліміздің басқа өңірлері жасыл аймақта. Қазақстан коронавирустың "қызыл" аймағында қалып отыр.

Еске салсақ, бұған дейін елімізде коронавирус жұқтырған 377 адамның жағдайы ауыр деп бағаланып отырғанын жазған едік.

3 сәуірдегі мәлімет бойынша, 26 821 адам короновирус инфекциясынан (25 362 КВИ+ және 1 459 КВИ-) емделуде, олардың ішінде 9 554 пациент стационарда, 17 267 науқас амбулаториялық деңгейде ем қабылдауда.

КВИ+, КВИ- шалдыққандардың арасында:

• 377 адамның жағдайы ауыр;

• 98 пациенттің жағдайы өте ауыр;

• 63 науқас ӨЖЖ аппаратында жатыр.

Соынмен қатар, Қазақстан коронавирустың таралуы бойынша антирекордты жаңартқанын жазғанбыз.

Одан бөлек, Алматы қаласының бас мемлекеттік санитар дәрігері Жандарбек Бекшин 2 сәуірде коронавирустық инфекцияның таралуын шектеу шараларын күшейту туралы жаңа қаулыға қол қойғанын жазған болатынбыз.

Қаулы сенбі, үшінші сәуірден бастап өз күшіне енді. Бүгінгі күннен бастап студенттер мен оқушылар 2020-2021 оқу жылының соңына дейін қашықтықтан оқытуға ауыстырылды.

Мәтіннен қате тапсаңыз, бізге жазыңыз