Жарына бал айының орнына қоқыс тазалауды ұсынған жігіт жұртты сүйсінтті (фото)
Опубликовано:
Үндістанда бал айына барудың орнына жағажайдағы қоқысты тазалаған жас жұбайлар жұрттың мақтауына ие болды деп жазады indianexpress.com.
Үндістанның Картанака штатында тұратын жас жұбайлар Анудип пен Минуша Хедге туған өлкесіндегі жағажайдың қоқыстан көз ашпай жүргеніне алаңдаумен болған.
Нәтижесінде, Анудип бал айын елден ерекше өткізуге ұсыныс жасайды. Жас жұбайлар коронавирус салдарынан ешқайда сапарға шыға алмайтындықтан, жігіт жан жарына бал айында демалудың орнына жағажайды бірге қоқыстан тазалауды ұсынған.
27 қарашадан 5 желтоқсанға дейін тынбай еңбектеген ерлі-зайыптылар жағажайдың 70%-ын қалдықтардан тазалай алды.
Бұл жайттың куәсі болған өзге тұрғындар жастарға көмек қолын созып, тазалау жұмысына қосыла кеткен.
Анудиптің әке-шешесі алғашында ұлын есінен адасқан деп ойлағанын жасырмады. Олар үйлену тойынан кейін бірден қоқыс тазалауға тура келген келініне шын жүректен жандары ашығанын айтады. Алайда Минуша күйеуінің ұсынысына қуана келісіп, қолдау білдірген.
Жергілікті тұрғындар мейірімді іс жасаған жас жұбайларға мақтауларын жаудыруда. Десе де ерлі-зайыпты мұндай істі мақтау есту немесе танымал болу үшін емес, туған жері үшін шынайы жандары ашығасын барғандарын алға тартты.
Еске салсақ, бұған дейін Оман мемлекетінің Маскат қаласында тұратын 51 жастағы әйел үйіне 480 мысық пен 12 итті паналатқанын жазған едік.
Одан бөлек, Замбияда ашуға булыққан әйел өзіне 8 жыл бойы үйленбей қойған жігітін сотқа бергенін жазған болатынбыз.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/kaleidoscope/1889418-zaryna-bal-ajyny-ornyna-kokys-tazalaudy-syngan-zigit-zrtty-sjsintti-foto/