Нұрсұлтан Назарбаевтың ресми сайтының атауы өзгерді

Қазақстанның тұңғыш президенті Нұрсұлтан Назарбаевтың ресми сайтының атауы мен веб-мекенжайы өзгерді. Бұрын elbasy.kz болған сайттың атауы қазір nazarbayev.kz деп аталады.

Аталған сайттан Қазақстанның тұңғыш президентінің өмірбаянын, экс-президент қатысқан іс-шаралардан фотосуреттерді көруге болады.

Сондай-ақ сайтта Нұрсұлтан Назарбаевтың кітаптары мен мақалалары да бар. Одан бөлек сайтта экс-президенттің өмірі мен қызметіне байланысты соңғы жаңалықтар жарияланып отырады.

Айта кетейік, сайттан Елбасы туралы заңға арналған бөлім жойылған.

Еске сала кетейік, 11 ақпанда мемлекет басшысы Қасым-Жомарт Тоқаев Елбасы туралы заңның күшін жоятын Конституциялық заңға қол қойды.

Сондай-ақ бұған дейін Елбасы туралы заңның күші жойылғаннан кейін Нұрсұлтан Назарбаев қандай артықшылықтардан айырылатынын жазған едік.

Мәтіннен қате тапсаңыз, бізге жазыңыз