Тоқаев Шавкат Мирзиеевпен бейресми кездесу өткізу үшін Шымкент қаласына барды

Мемлекет басшысы Қасым-Жомарт Тоқаев Өзбекстан президенті Шавкат Мирзиеевпен бейресми кездесу өткізу үшін Шымкент қаласына бады. Бұл туралы Ақорда Telegram-дағы ресми арнасында хабарлады.

Қазақстан президентінің баспасөз қызметінің мәліметінше, кездесу барысында екіжақты және өңірлік күн тәртібіндегі өзекті мәселелер қарастырылады.

Еске сала кетейік, 2022 жылғы желтоқсан айында Қасым-Жомарт Тоқаев ресми сапармен Өзбекстанға барған еді.

Екі күндік сапар аясында мемлекет басшысы Өзбекстан президентімен шағын және кеңейтілген құрамда келіссөздер жүргізді.

Сондай-ақ екі елдің басшылары Қазақстан-Өзбекстан мемлекеттік шекараларын демаркациялау туралы шартқа қол қойды.