Тоқаев Жаңаөзенде болған жарылыстың салдарын жою жұмыстарын тез арада бітіруді тапсырды

Мемлекет басшысы Қасым-Жомарт Тоқаев еліміздің әлеуметтік-экономикалық дамуы жөніндегі кеңесте таяуда Жаңаөзенде болған жарылыстың салдарын жою жұмыстарын тез арада бітіруді тапсырды. Бұл туралы Ақорда Telegram-дағы ресми арнасында хабарлады.

"Жаңаөзенде болған жарылыстың салдарын жою жұмыстарын тез арада бітіру қажет. Жалпы, Жаңаөзен – мұнай-газ саласына ғана қарап отырған моноқала. Сол себепті, біз оны дамыту үшін арнайы кешенді жоспар қабылдадық. Осы құжатты мейлінше жүзеге асыру керек. Үкімет те бұл жұмысқа жауапты болады", – дейді президент.

Еске салсақ, дүйсенбі, 17 сәуір күні Жаңаөзен қаласындағы екі кіреберістен тұратын 12 пәтерлі екі қабатты тұрғын үйде газ жарылып, адамдар зардап шеккен болатын.

Кейін жарылыстан төрт адамның қаза тауып, алты адамның ауруханада жатқандығы белгілі болды.

Маңғыстау облысының әкімі Нұрлан Ноғаев жарылыс дерегі бойынша қылмыстық іс қозғалғанын айтты.

Сондай-ақ Маңғыстау облысының Төтенше жағдайлар департаменті ала болжам бойынша ауаға газ тарап, жарылыс содан болуы мүмкін екенін мәлім етті.