ІІМ бұрынғы басшысы Ерлан Тұрғымбаев ісі сотқа жетті

Ішкі істер министрлігінің бұрынғы басшысы Ерлан Тұрғымбаев ісі сотқа жіберілді. Ақпаратты KAZ.NUR.KZ тілшісіне Астана соты, сондай-ақ Жоғарғы сот баспасөз қызметтері растады.

Қазақстанның бұрынғы ішкі істер министрі Ерлан Тұрғымбаевтың ісі сотқа жеткені белгілі болды.

Бұл туралы ақпаратты KAZ.NUR.KZ тілшісіне Астана сотының, сондай-ақ Жоғарғы соты баспасөз қызметі растады.

"(Іс – ред. ескертпесі) "өте құпия" санатына жатқызылған", - деді олар.

Еске сала кетсек, бұған дейін Ерлан Тұрғымбаевтың ұсталғаны туралы ақпарат пайда болған еді.

Ерлан Тұрғымбаев ішкі істер министрі қызметін 2019 жылдан бастап атқарды.

2022 жылғы 25 ақпанда Тұрғымбаев ІІМ басшысы қызметінен босатылып, Қазақстан президентінің кеңесшісі болып тағайындалды. Бұл лауазымды ол 2022 жылғы тамыз айына дейін атқарды.

Мәтіннен қате тапсаңыз, бізге жазыңыз