Тоқаев Германияның федералды президентін әуежайдан шығарып салды (видео)

Мемлекет басшысы Қасым-Жомарт Тоқаев Германияның федералды президенті Франк-Вальтер Штайнмайерді әуежайдан шығарып салды. Бұл туралы Ақорда Telegram-дағы ресми арнасында хабарлады.

Президенттің баспасөз қызметінің хабарлауынша, мемлекет басшысы Қасым-Жомарт Тоқаев Германияның федералды президентін әуежайдан шығарып салып, жылы қоштасты

Франк-Вальтер Штайнмайердің сапары одан әрі Маңғыстау облысында жалғасады.

Айта кетейік, 19 маусымда Германияның федералды президенті Франк-Вальтер Штайнмайер Қасым-Жомарт Тоқаевтың шақыруымен Қазақстанға мемлекеттік сапармен келді.

20 маусымда Ақордада Франк-Вальтер Штайнмайерді салтанатты түрде қарсы алу рәсімі өтті.

Сонымен қатар Қазақстан мен Германия президенттері келіссөз жүргізді.

Германияның федералды президенті Франк-Вальтер Штайнмайердің Қазақстанға мемлекеттік сапары барысында бірнеше құжатқа қол қойылды.

Мәтіннен қате тапсаңыз, бізге жазыңыз