Астанаға тағы бір мәртебелі мейман келді

Қазақстанға ресми сапармен Словакия премьер-министрі Роберт Фицо келді, деп хабарлайды Ақордаға сілтеме жасаған KAZ.NUR.KZ.

Ақордада Словакия премьер-министрін салтанатты қарсы алу рәсімі өтті.

Қасым-Жомарт Тоқаев пен Роберт Фицо бір-біріне ресми делегация мүшелерін таныстырды.

Құрмет қарауылы ротасының бастығы рапорт берген соң Қазақстан мен Словакияның мемлекеттік әнұрандары шырқалды.

Айта кетейік, бүгінгі келіссөздер барысында Қазақстан президенті мен Словакия үкіметінің басшысы қазақ-словак серіктестігін кеңейту перспективасын талқылайды.

Естеріңізге сала кетсек, аптаның басында елімізге ресми сапармен Болгария президенті Румен Радев келген еді.

Ал келесі аптада Қазақстанға Қытай Халық Республикасының төрағасы Си Цзиньпин келеді.