Қайрат Нұртастың Семей қаласына тойға барғаны рас па: Полиция пікір білдірді

Қазақ эстрадасының танымал әншісі Қайрат Нұртастың Семейде тойда жүрген видеосы әлеуметтік желіде пайда болды. Бұған қатысты облыстық полиция департаменті түсініктеме берді деп жазады KAZ.NUR.KZ тілшісі.

Шығыс Қазақстан облыстық полиция департаментінің баспасөз қызметі оқиғаға қатысты тергеу жүргізіліп жатқанын мәлімдеді.

"Қазақстанның эстрада әртісіне қатысты материалдар жиналып, Мемлекеттік санитарлық-эпидемиологиялық бақылау басқармасына тіркеу орны бойынша процестік шешім қабылдау үшін жолданды", - деді ведомство.

Видеоның әлеуметтік желілерден өшірілгені белгілі болды.