"Бәрін Әсеміме тапсырдым": Роза Әлқожа ене болған қандай екенін айтты

Жақында ғана тұңғышын үйлендірген Роза Әлқожа ене болған қандай екенін айтты. Өнер иесі бүгінде қолы ұзарып, үй шаруасын толығымен келініне тапсырған, деп жазады KAZ.NUR.KZ.

Роза Әлқожа Instagram желісінде жазба жариялап, көпшілікке келін алған қандай екенін бөлісті.

"Неше күнгі шаршау басылып, қыздармен құт қалтаға келдік. Келін алған жақсы екен. Қазанды ошағымен, үйді балалармен бірге Әсеміме тапсырдым", - деп қысқа қайырды әнші.

Айта кетейік, жақында Роза Әлқожа тұла бойы тұңғышы Бейбарыс Қабаны үйлендіріп, үйіне келін түсірді. Сері жігіттің таңдауы Әсем есімді аруға түскен.

KAZ.NUR.KZ басылымына берген экслюзивті сұхбатында Бейбарыс алғаш рет сүйіктісі туралы айтып берді. Ол отбасылық өмірі жайлы және жарының асыл қасиеттері жайлы сыр шертті.