Алматыда жер сілкінісі: қалада көлік кептелісі пайда болды

Бүгін, 4 наурызда Алматыда қатты жер сілкінісі болды - жерасты дүмпуінен кейін қалада көлік кептелісі пайда болды. Бұл жөнінде KAZ.NUR.KZ хабарлайды.

2 ГИС электронды анықтамалығындағы мәлімет бойынша, Алматыда сағат 11:47-дегі кептеліс 5 баллды көрсеткен.

Ал 11:57-де кептеліс деңгейі 7 баллға жетті.

Сағат 12:14-те кептеліс деңгейі 8 баллды көрсетті.

Айта кетейік, Алматыда бүгін, 4 наурызда сағат 11:22 де қатты жер сілкінді. Қалада сирена қосылды.

ТЖМ өкілдері жер сілкінісінің қуаты 5 балл болғанын хабарлады.

Жерасты дүмпуінен кейін Алматы қаласының төтенше жағдайлар департаментінің бастығы Нұрлан Атығаев жер сілкінісіне байланысты видеоүндеу жасап, халықты дүрлікпеуге шақырып, бірінші сілкіністен кейін не істеу керек екенін айтты.

Алматы, Алматы облысы, Жетісу облыстарында жедел желі телефондары жұмыс істейтіні хабарланды.

Мәтіннен қате тапсаңыз, бізге жазыңыз