Президент халықтың тұрмысын жақсарту үшін 9 бағытта жұмыс істемекші

Бүгін Нұр-Сұлтанда Қазақстан президенті қызметіне кіріскен Қасым-Жомарт Тоқаевты ұлықтау рәсімі өтті. Онда мемлекет басшысы халықтың тұрмысын жақсарту үшін қандай салаларды жандандырып, қандай шаралар қолға алынатындығын айтты деп хабарлайды KAZ.NUR.KZ.

Тағы оқыңыздар:

Қасым-Жомарт Тоқаев ресми түрде Қазақстан президенті атанды

Мемлекет басшысы: Сөзге сендіре бермей, жұмыс істеу керек

Тоқаев: Саяси көзқарас пен ұстанымдар үшін халықтың бөлінуіне жол бермеймін

Қасым-Жомарт Тоқаев өз сөзінде ел дамуының нақты тоғыз бағытын айқындады:

1. "Бірінші бағыт – халықтың табысын арттыру.
2. Екінші бағыт – сыбайлас жемқорлықпен күресу, оны жою.
3. Үшінші бағыт – сот жүйесін реформалау, сот әділдіктің соңғы шегі болуы тиіс.
4. Төртінші бағыт - жаңа жұмыс орындарын ашу және халықты лайықты жалақымен қамту.
5. Бесінші бағыт – тұрғын-үй мәселесін шешу.
6. Алтыншы бағыт - адам капиталын дамыту.
7. Жетінші бағыт - өңірлерді дамытудың жаңа бағдары.
8. Сегізінші бағыт – Рухани жаңғыру құндылықтарын насихаттау, Отанға адал болу, ғылым мен білімге ұмтылу.
9. Тоғызыншы бағыт – көп векторлы саяси бағытты ұстана отырып, ұлттың мүддесін қорғау.