RU

Жамбыл облысында қар барыстарының "жанұясы" видеоға түсіп қалды

Қар барысы
Көрнекі фото: piqsels.com

Үш барыстан тұратын отбасы Жамбыл облысындағы орман шаруашылығы аумағында видеоға түсіп қалды. Видео Біріккен Ұлттар Ұйымының Даму бағдарламасы Instagram парақшасында жарияланған.

Бұл кадрлар Біріккен Ұлттар Ұйымының Даму бағдарламасы Жамбыл облысындағы ормандарды және жануарлар дүниесін қорғау агенттігіне берген камера қақпанының арқасында түсірілгені туралы хабарланды. Шаруа қожалығының аумағында барлығы 11 камералық қақпан орнатылған.

Қар барыстары бұл аймақта алғаш рет 2019 жылдың соңында видеоға түсіп қалған. Осы екі жыл ішінде жыртқыштар шамамен 20 рет камераның қақпанына түскен.

Сарапшылар бұл жерлерде қар барысының болуы таулар жүйесінің жақсы күйін, азық-түлік базасының болуын және мекеме жүргізіп жатқан қоршаған ортаны қорғау шараларының тиімділігін көрсетеді деп атап өтті.

БҰҰ Даму бағдарламасының тұрақты өкілі аймақта ерекше қорғалатын аумақтың құрылуы сирек кездесетін барыстарды және Қызыл кітапқа енген басқа жануарларды қорғауға мүмкіндік береді деп қосты.

Еске салсақ, "Бурабай" ұлттық паркінде Аскания бұғылары фототұзаққа түсіп қалған еді.

Аскания бұғысы – бұл Украинаның Аскания-Нова қорығындағы қызыл бұғының әртүрінен будандастыру арқылы алынған бұғының бір түрі. Бұл бұғылар Қазақстанға 1983 жылы әкелінген. "Бурабай" мемлекеттік ұлттық табиғи паркінің аумағында Аскания бұғысының 1300-ден астам дарағы мекендейді.

Мақаланың түпнұсқасы: https://kaz.nur.kz/society/1901994-zambyl-oblysynda-qar-barystarynyn-zanuyasy-videoga-tusip-qaldy/