Top.Mail.Ru

Сайт нұсқасы

ru kz

Зектілері

Жетісайлық тұрғын аула сыпырушы жалғызбасты анаға баспана сыйлады

Опубликовано:

Фото
Фото: Түркістан облысының әкімдігі/Facebook

Түркістан облысы Жетісай ауданының тұрғыны жалғызбасты анаға 5 бөлмелі үйді сыйға тартты деп хабарлайды KAZ.NUR.KZ порталы Түркістан облысының өңірлік коммуникациялар қызметіне сілтеме жасап.

Екі қыз өсіріп отырған Назгүл Шадманова баспанаға қол жеткізе алмай келе жатқанына бірнеше жыл болған. Тағдырдың тауқыметін тартқан ана жомарттық танытқан азаматқа шексіз алғысын білдірді.

"Мен Жетісай қаласындағы орталық базарда аула сыпырып қыздарымды асырап отырмын. Тапқаным пәтерақы мен азық-түліктен артылмайды. Мұндай жағдаймен қашан үйлі болады екенмін, қалай перзенттерімді өзгелерден кем қылмай өсіремін деп уайымға салынатынмын. Міне, бүгін үйлі болып, күтпеген қуанышқа кенеліп отырмын. Тіпті, ішіндегі үй жиһаздары мен азық-түлігіне дейін беріп отыр. Енді бар тапқанымды қыздарымды тарықтырмай өсіруге барымды саламын. Игі іс жасап отырған азаматтарға алғыстан басқа айтарым жоқ", – деді әйел.

Қайырымды істің бастамашысы болған "Нәр-Тамшы" қоғамдық қайырымдылық қорының төрағасы Ермахан Рахматулла осыған дейін 10-ға жуық отбасыға баспана тарту еткен.

Айта кетейік, бүгінде Жетісай ауданында 80 гектар жерге 200 пәтерлі 6 көпқабатты үй салынуда. Жыл соңына дейін бірқатар үйдің құрылысы аяқталып, ондағы пәтерлер баспана кезегінде тұрған аз қамтылған отбасыларға үлестірілетін болады, деді ведомство.

Фото
Фото: Түркістан облысының әкімдігі/Facebook

Мақаланың түпнұсқасы: https://kaz.nur.kz/society/1909934-zetisailyq-turgyn-aula-sypyrusy-zalgyzbasty-anaga-baspana-syilady/

pixel