Қазақстанда пойыздың үстіңгі орындарына 20 пайыздық жеңілдік жасалмақ

Қазақстан темір жолы ұлттық тасымалдаушы компаниясы коммерциялық пойыздардың үстіңгі орындарына 20 пайыздық жеңілдік енгізуде. Бұл туралы ҚТЖ-ның ресми сайтына сілтеме жасаған KAZ.NUR.KZ хабарлайды.

2022 жылдың 1 желтоқсанынан бастап 2023 жылғы 28 ақпанға дейін жөнелтілетін коммерциялық пойыздар вагондарындағы жоғарғы және төменгі орындарға жол жүру құнына сараланған тәсілді енгізіледі.

Жоғарғы және төменгі орындар арасындағы жол ақысының айырмашылығы 20% құрайды.

Жоба вагондағы орындарды біркелкі бөлу, сондай-ақ жолаушылардың төменгі орындарға деген сұранысын қанағаттандыру мақсатында жүзеге асырылады.

Сараланған тәсіл келесі жолаушылар пойыздарында қолданылады:

1. № 111/112 "Алматы – Маңғыстау";

2. № 51/52 "Алматы – Орал";

3. № 105/106 "Алматы-Петропавл";

4. № 71/72 "Астана-Шымкент";

5. № 29/30 "Алматы-Атырау".