Енді ҰБТ-ға қалам алып кіруге рұқсат етілмейді

Бұдан былай талапкерлерге тестілеуге қалам әкелуге рұқсат етілмейді. Бұл туралы Ұлттық тестілеу орталығы ресми сайтында хабарлады.

Ұлттық тестілеу орталығының мәліметінше, ҰБТ-да ереже бұзушылықтың алдын алу мақсатында бұдан былай талапкерлерге тестілеуге қалам әкелуге рұқсат етілмейді.

"Тестілеуге кіргізу тек жеке куәлік бойынша жүзеге асырылады. Сондай-ақ өзіңізбен су және шоколад алып кірсеңіз болады", - делінген хабарламада.

Ұлттық тестілеу орталығы тест тапсырушыларға қалам мен қағазды тек тестілеу әкімшілері (кезекшілері) беретінін еске салды.

Айта кетейік, бұған дейін Ғылым және жоғары білім министрі Саясат Нұрбек 2024 жылы ҰБТ-да болатын болатын өзгерістер туралы айтқан еді.

Кейін Ұлттық бірыңғай тестілеу орталығы келесі жылы ҰБТ-да кейбір пәндер бойынша шекті бал өзгергенін хабарлады.

Мәтіннен қате тапсаңыз, бізге жазыңыз