Депутат Айдос Сарым Ресейге барса, қылмыстық жазаға тартылуы мүмкін екенін айтты

Тина Канделакидің мәлімдемесіне қатысты дауға пікір білдірген мәжіліс депутаты Айдос Сарым оның өзіне Ресейге кіруге шектеу қойылғанын айтты. Бұл туралы KAZ.NUR.KZ депутаттың Telegram-дағы арнасына сілтеме жасап хабарлайды.

Айдос Сарым Қазақстан Сыртқы істер министрлігі ресейлік тележүргізуші Тина Канделаки елге кіргізілмейтінін жариялағанын атап өтті.

"Бұл дұрыс. Оған сөз бен эмоция құртудың қажеті жоқ. Өзімізді сыйлауымыз керек", - деді мәжілісмен.

Сонымен қатар депутат өзіне Ресейге 2070 жылға дейін кіруге тыйым салынғанын атап өтті.

"Маған Ресей ФҚК-дан хабарлама келген. Шекарадан өтсем, 7 жылға дейін қылмыстық қудалауға ұшырауым мүмкін. Беларусь Республикасына барсам да солай. Ешкім ештеңе түсіндірмеді", - деді депутат.

Айта кетейік, Сыртқы істер министрлігінің ресми өкілі Айбек Смадияров танымал ресейлік тележүргізуші Тина Канделаки Қазақстанға кіргізілмейтінін айтқан болатын.

Тина Канделакидің даулы мәлімдемесіне қазақстандық тележүргізуші әрі журналист Динара Сәтжан өз Instagram-парақшасында қатаң түрде жауап қатқанын жазған едік.

Мәтіннен қате тапсаңыз, бізге жазыңыз