Неге алматылықтарға 112-ден SMS келмеді: әкімдік басты сұрақтарға жауап берді

Алматы қаласы әкімдігінің өкілдері неге зілзала алдында 112 нөмірінен ескерту хабарламасы келмегенін түсіндірді. Бұл туралы әкімдіктің Telegram-арнасына сілтеме жасаған KAZ.NUR.KZ хабарлайды.

Әкімдіктегілердің айтуынша, 2019 жылы тұрғындардың шағымдарының артуына байланысты ТЖД ұялы желі операторларының техникалық мүмкіндіктерінің шектеулі болуына байланысты жер сілкінісі кезінде SMS-ескертулерден бас тартқан.

"Мегаполистің халқы көп, бұл екі миллионнан астам адам, кейбір абоненттерге бірнеше сағаттан кейін хабарламалар келіп, халық арасында дүрбелең туғызады", - дейді шенеуніктер.

Сондай-ақ қалада неге сиреналар болмағаны да түсіндірілді.

"Алматы қаласында ТЖ кезінде халықты хабардар ету үшін 843 сирена жұмыс істейді. Сиреналар сейсмостанциялар магнитудасы 5,5 және одан жоғары тербелістерді бекіткен кезде іске қосылады. Түнде болған жағдайда MSK -64 шкаласы бойынша ақпарат сезілмеді", - дейді қала билігінің өкілдері.

Әкімдіктегілер халықты қабылдау пункттері қанша уақыт ішінде ашылуға тиіс екенін де түсіндірді.

"Басшылыққа алынатын құжаттарға сәйкес, жиналу орындары бойынша халықты қабылдау пункттері әкімшілігінің жедел келу және ашылу уақыты жазда -1 сағатты, қыста -1,5 сағатты құрайды. Алматы қаласының халықты жинау пункттері білім беру объектілері (229 мектеп және 115 балабақша).

Түнгі уақытта болған жер сілкінісіне байланысты осы пункттердің ашылуы қыс мезгілінде -1,5 сағат регламенттелген. Мегаполис тұрғындарын қабылдау пункттеріне 11 мыңнан астам адам жүгінді, оның ішінде 3,5 мың бала", - дейді әкімдік өкілдері.

Қазақстанның оңтүстік-шығысындағы жер сілкіністері

Еске салайық, бүгін түнде Алматыда жер сілкінісі тіркелді. ТЖД ақпаратынша, жер асты дүмпулерінің магнитудасы – 6,7. Алматыда 5 балдық жер сілкінісі тіркелген.

Желіде тұрғындар жер сілкінісінен соң жаппай көшеге шығып жатқаны көрсетілген видеолар тарады.

Кейін Алматы ТЖД бастығы Нұрлан Атығаев жер сілкінісінен зардап шеккендер мен қайтыс болғандар, сондай-ақ ғимараттардың қирауы туралы ақпарат келіп түспегенін хабарлады. Сондай-ақ ол азаматтардан қауіпсіз жерге шығуды сұрады.

Сонымен бірге Алматы ТЖД бастығы Нұрлан Атығаев қалада тағы да жер сілкінісі тіркелгенін хабарлады. Оның сөзінше, зілзала магнитудасы 2-3 болған.

Бұдан бөлек, Атығаев желіде тарап жатқан таңғы сағат бесте жер сілкінісі қайталанатыны туралы хабарды жоққа шығарды.

Ал Алматы полициясы қаладағы тәртіпті қамтамасыз ету бойынша шаралар қабылдап, кептеліс болдырмау мақсатында патрульдік полиция инспекторлары қолмен реттеуге көшті.

Одан бөлек, Алматы әкімдігі қалада жер сілкінісі салдарынан қирау фактілері болды деген ақпарат шындыққа жанаспайтынын мәлімдеді.

ТЖМ сейсмологиялық бақылау және зерттеу ұлттық ғылыми орталығының директоры Дәулет Сәрсенбаев қалада жақын уақытта жойқын жер сілкінісі күтілмейтінін хабарлады. Оның айтуынша, Алматы қаласы мен Алматы облысының тұрғындары сезінген жер сілкіністері афтершок болып саналады. Мұны Орталық Азияның барлық дерлік елі сезінген.

Қалалық ТЖД жер сілкінісіне байланысты 8 727 278 20 83 және 8 727 278 20 84 телефон нөмірлері бойынша жедел желі жұмыс істеп тұрғанын мәлімдеді.

Мегаполис басшысы Ерболат Досаев штабта сағат 00:20-дан бастап Жедел штабтың шұғыл кеңесін өткізгені, онда одан әрі іс-қимыл жоспары талқыланып жатқаны хабарланды.

Қалалық білім басқармасы қала мектептері мен колледждерінде түні бойы халықты қабылдау пункттері жұмыс істеуіне байланысты 23 қаңтарда бірінші ауысымдағы сабақтар болмайтынын хабарлады.

Сейсмологиялық бақылаулар мен зерттеулердің ұлттық ғылыми орталығының базасында комиссия Алматы болжамдық полигонының аумағындағы сейсмикалық жағдайға бағалау жүргізді. Комиссияның қорытындысына сәйкес күшті және жойқын жер сілкінісі күтілмейтіні айтылды.

Сондай-ақ қаңтардың 23-і таңертең Алматы облысында тағы бір жер сілкінісі тіркелген – Алматыда жер сілкінісі 2-3 балл шамасында болғаны сезілді.

Айта кетсек, бастапқыда Алматы қалалық денсаулық сақтау басқармасы бүгін түнде болған жер сілкінісінен зардап шеккендер жоқ екенін, дәрігерлер күшейтілген режимде жұмыс істеп жатқанын жеткізді. Кейін жер сілкінісі салдарынан 8 адам зардап шеккені белгілі болды. Кейін бұл цифр 44-ке жетті.