Алматы облысында 31 градус аяз болады: синоптиктер ескерту жасады

24 қаңтарда Алматы облысында қатты аяз болуы ықтимал. Бұл туралы "Қазгидромет" хабарлады, деп жазады KAZ.NUR.KZ.

"24 қаңтарда түнде Алматы облысының солтүстігінде, таулы аудандарында 31 градус қатты аяз күтіледі. Өңірдің солтүстігінде, оңтүстігінде, таулы аудандарында кей уақытта тұман күтіледі", - делінген хабарламада.

Сонымен бірге синоптиктер Алматы және Қонаев қалаларында да тұман күтілетінін хабарлады.

Еске салсақ, бұған дейін "Қазгидромет" ел тұрғындарына ескерту жасап, еліміздің бірқатар өңірінде күн райы бұзылатынын мәлімдеген. Ал бүгін ел астанасында 36 градусқа дейін аяз болды.