Қазақтың Мессиі атанып кеткен футболшының тұңғышы дүниеге келді

Қазақтың Мессиі атанып кеткен футболшы Еркебұлан Сейдахметтің тұңғышы дүниеге келді. Сүйінші жаңалықты Ақтөбе футбол клубының өкілдері бөлісті, деп хабарлайды KAZ.NUR.KZ.

"Бүгін "Ақтөбе" ФК жартылай қорғаушысы Еркебұлан Сейдахмет әке атанды. Сейдахметтер отбасында ұл бала дүниеге келді. Еркебұланды құттықтаймыз, сәби мен анасына мықты денсаулық тілейміз!" - делінген клубтың Instagram желісінде жарияланған хабарламада.

Айта кетейік, Еркебұлан Сейдахмет 2023 жылғы қарашада шаңырақ көтерген еді. Оның таңдауы актриса Нұрсұлу Ізбасароваға түскен. Футболшы жарына көлік те сыйлаған болатын.

Еркебұлан "Жетісу", "Тараз", болгариялық "Левски", ресейлік "Уфа", алматылық "Қайрат" сынды клубтарда ойнаған.

Биылғы қаңтарда бес жыл ойнаған "Қайрат" сапынан кетті.

Ол алматылық командада бес маусымда 107 матч өткізіп, 8 гол соғып, 10 нәтижелі пас берген. Командамен бірге Еркебұлан Қазақстан чемпионы әрі ел Кубогының иегері атанды.

Мәтіннен қате тапсаңыз, бізге жазыңыз