Қоңқабаевты медальсіз қалдырған Баходир Жалолов мерзімінен бұрын финалға шықты
Опубликовано:
Бокстан Ташкентте өтіп жатқан әлем чемпионатында Өзбекстан құрамасының басты жұлдызы, аса ауыр салмақтағы Баходир Жалолов финалға шықты, деп хабарлайды KAZ.NUR.KZ.
Жалоловтың жартылай финалдағы испаниялық қарсыласы финалға шығудан бас тартқан. Осылайша, өзбек боксшысы тікелей ақтық сынға өтті.
Баходир Жалолов ширек финалда өзінің әккі қарсыласы, қазақстандық Қамшыбек Қоңқабаевты жеңген болатын.
Өзбек алыбының финалдағы қарсыласы кешкі сессияда анықталады.
Айта кетелік, Ташкентте өтіп жатқан әлем чемпионатының күндізгі сессиясынан соң үш қазақ боксшысы финалға шықты. Олар - Санжар Тәшкенбай (48 келі), Махмұд Сабырхан (54 келі) және Дулат Бекбауов (67 келі).
Бокстан әлем біріншілігі 14 мамыр күні мәресіне жетеді.
- Финалға шыққан Махмұд Сабырханды Ташкенттегі қазақ жанкүйерлері ерекше қошеметпен қарсы алды (видео)
- Екі қазақ боксшысы финалда өзбек қарсыластарымен жұдырықтасады
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/boxing/2020344-qonqabaevty-medalsiz-qaldyrgan-baxodir-zalolov-merziminen-buryn-finalga-syqty/