"Көзімнен жас шыққанын байқамай қалдым": Асланбек Шымбергенов әнұран шырқалғандағы сезімін жеткізді

Бокстан әлем чемпионы Асланбек Шымбергенов Qazaq Ring жобасында қонақ болып, жанкүйерлердің ерекше қолдауына ризашылығын білдірді, деп жазады KAZ.NUR.KZ.

"Керемет әсер алдық. Біздің әнұранымыздың өзі рух беретін, күшті әнұран ғой. Бүкіл зал жанды дауыспен айтқан кезде, көзімнен қалай жас шығып кеткенін байқалмай қалдым, шыны керек. Регламент бойынша барлық елдің әнұраны бір минут ойнайды. Қазақ елінің жанкүйерлеріне алғысымды білдіремін. Біз үшін жанкүйер болған. Өте керемет әсер алдым!", - деді Асланбек Шымбергенов.

Еске сала кетейік, бокстан Ташкентте өткен әлем чемпионатында Қазақстан командасы төрт алтын медаль жеңіп алды.

Оның ішінде 29 жастағы Асланбек Шымбергенов те бар. Асланбек 71 келіге дейінгі салмақта бақ сынап, финалда Өзбекстан өкілі Саиджамшид Жафаровты ұтты.

Мәтіннен қате тапсаңыз, бізге жазыңыз