Боксшы Абылайхан Жүсіпов отандасы Жәнібек Әлімханұлы жайлы не ойлайтынын айтты

Қазақстандық боксшы Абылайхан Жүсіпов отандасы Жәнібек Әлімханұлының соңғы жекпе-жегіне қатысты пікір білдірді. Спортшы оның абсолют чемпион болатынына сенімді, деп жазады KAZ.NUR.KZ.

Абылайхан Жүсіпов Prosports.kz сайтына берген сұхбаты барысында Жәнібек Әлімханұлына қатысты өз ойын айтты. Боксшы отандасының соңғы жұдырықтасуы жайлы сөз қозғады.

"Жекпе-жекті көрдім. Жәнібек үшін тамаша және әдемі жеңіс. Жәнібекті құттықтаймын. Оның абсолютты әлем чемпионы атана алатынына сенемін. Өйткені оның әлеуеті өте зор", – деді Жүсіпов.

Айта кетейік, 15 қазан күні Жәнібек Әлімханұлы (14-0, 9 КО) германиялық Винченцо Гуальтьериді (21-0-1, 7 КО) жеңіп, WBO және IBF нұсқалары бойынша әлем чемпионы атанды.

Әлімханұлы жеңісінен кейін маңызды мәлімдеме жасады. Ол белбеулерін қорғағысы келмейтінін алға тартып, алдағы уақытта тағы екі белбеудің иегері атанғысы келетінін жеткізді.

Сондай-ақ қазақстандық боксшы әйгілі "Канеломен" жұдырықтасуға дайын екенін айтты.

Мәтіннен қате тапсаңыз, бізге жазыңыз