Қазақстан құрамасының боксшысы Оразбек Асылқұлов Таиландтағы Азия чемпионатының финалында күш сынасты. Бұл туралы KAZ.NUR.KZ хабарлайды.
Оразбек Асылқұлов 57 кг салмақ дәрежесіндегі финалдық кездесуде өзбекстандық Миразизбек Мирзахалиловпен шеберлік байқасты. Нәтижесінде қазақстандық боксшы (0:5) есебімен қарсыласына есе жіберіп қойды.
Оразбек Асылқұлов Таиландтағы Азия чемпионатының 1/8 финалында малайзиялық Зульхайлан Мохамадты, ширек финалда таиландтық Фануват Чуджанатты, жартылай финалда моңғолиялық Лунда Гантумурді жеңген болатын.
Еске сала кетейік, бұған дейін 48 кг дейінгі салмақ дәрежесінде жұдырықтасқан Санжар Тәшкенбай күміс медаль еншілесе, 54 кг салмақ дәрежесінде бақ сынаған Махмұд Сабырхан Азия чемпионы атанды.
Мақаланың түпнұсқасы: https://kaz.nur.kz/sport/boxing/2198943-orazbek-asylqulov-tartysty-kezdesude-ozbek-boksshysymen-synga-tusti/
