Бокстан Өзбекстан чемпионатында екі этникалық қазақ чемпион атанды
Опубликовано:
Ташкентте бокстан Өзбекстан чемпионаты аяқталды. Бұл жарыста екі этникалық қазақ жеңіс тұғырынан көрінді, деп хабарлайды KAZ.NUR.KZ.
Sports.kz сайтының жазуынша, 60 килограмға дейінгі салмақ дәрежесінде Мадияр Данияров чемпион болған. Ол финалдық бәсекеде Шохрух Абдумаликовтан басым түскен.
63,5 килограмға дейінгі салмақ дәрежесінде әлем және Азия чемпионы Руслан Абдуллаев топ жарған. Боксшы Адхамжон Мухиддиновтен айласын асырған.
Сондай-ақ тағы екі этникалық қазақ – Мадияр Сайдрахимов (92 кг дейінгі салмақ дәрежесі) пен Арман Маханов (+92 кг) биылғы чемпионаттың күміс жүлдегерлері атанған.
Massaget.kz сайтының мәліметінше, Саят Ілиясов (54 кг) пен Сабыржан Тастанов (63,5 кг) қола жүлде алған.
Жалпы биылғы Өзбекстан чемпионатына 15 этникалық қазақ боксшысы қатысқан.
Естеріңізге сала кетсек, бұған дейін World Boxing ұйымы 2025 жылғы Азия чемпионаттары өтетін күндерді бекіткен болатын.
Сондай-ақ осы ұйым ұйымдастыратын бокстан әлем кубогының екінші кезеңі 30 маусым мен 7 шілде аралығында Қазақстанда өтеді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/boxing/2216234-bokstan-ozbekstan-chempionatynda-eki-etnikalyq-qazaq-top-zhardy/