"Белград жеңімпазы": Сербиядағы турнирге қатысатын қазақ боксшылары белгілі болды
Опубликовано:
4-10 ақпан аралығында Сербияда өтетін "Белград жеңімпазы" бәсекесіне қатысатын қазақ боксшылары белгілі болды. Бұл туралы KAZ.NUR.KZ Қазақстан бокс федерациясына сілтеме жасап хабарлайды.
Федерацияның мәліметінше, 62-рет өтетін турнир Еуропадағы тарихы ең бай жарыс болып саналады. Оған келесі қазақ боксшылары қатысады:
- 48 келі: Нұрғиса Тұрабеков;
- 51 келі: Рамазан Нұрлыбаев;
- 54 келі: Бексұлтан Боранбек, Нұрсұлтан Алтынбек, Кенже Мұратұлы;
- 57 келі: Жансері Көшербаев;
- 63.5 келі: Бекзат Макжан;
- 67 келі: Илья Калинин, Нұрбек Мурсал;
- 71 келі: Өнер Сейілхан;
- 75 келі: Бақберген Алиасқаров, Санжарәлі Бегалиев;
- 80 келі: Ильяр Аширов;
- 86 келі: Дәурен Мамыр;
- +92 келі: Нұрасыл Асылхан.
Естеріңізге сала кетсек, бұған дейін World Boxing ұйымы 2025 жылдың ресми жарыс күнтізбесін жариялаған еді. Онда бокстан әлем кубогының екінші кезеңі 30 маусым мен 7 шілде аралығында Қазақстанда өтетіні айтылған.
Сондай-ақ ұйым 2025 жылғы Азия чемпионаттары өтетін күндерді бекіткен болатын.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/boxing/2217854-belgrad-zhengimpazy-serbiiadagy-turnirge-qatysatyn-qazaq-boksshylary-belgili-boldy/