Балуан Мейіржан Шермаханбет ел қоржынына күміс жүлде салды
Опубликовано:
Қазақстандық балуан Мейіржан Шермаханбет Азия ойындарының күміс жүлдегері атанды. Ол ақтық сында жапондық спортшыға есе жіберді, деп хабарлайды KAZ.NUR.KZ.
Мейіржан Шермағанбет 67 келі салмақ дәрежесінде финалда Катсуаки Эндомен кездесті. Алтын медаль үшін жекпе-жекте жапон балуаны жеңіске жетті.
Айта кетейік, бұған дейін Мейіржан Шермаханбет жартылай финалда ирандық Даниал Сейед Сохрабиді тізе бүктірді.
Қазақ балуаны тартысты жекпе-жекте 0:7 есебімен ұтылып келе жатты. Алайда соңына қарай ирандық спортшының жауырынын жерге тигізіп, жеңіске жеткен еді.
Сондай-ақ Азия ойындарының жүлделі үшінші орыны үшін бақ сынаған Айдос Сұлтанғали Солтүстік Корея спортшысы Сын Риге есе жіберіп қойды. Отандық спортшы үшін Азиада аяқталды.
- Азия ойындары: Айдос Сұлтанғали қола үшін жекпе-жекте кореялық спортшыға есе жіберді
- Азиада-2023: Отандық велошабандоздар топтық жарыста жүлдесіз қалды
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/fight/2039522-baluan-meiirzan-sermaxanbet-el-qorzynyna-kumis-zuldeni-saldy/