Түркия футболының аңызы Волкан Демирель тікелей эфирде көз жасын тоқтата алмады
Опубликовано:
Қахраманаштағы Пазарджик ауданында болған 7,4 балдық жер сілкінісінен соң Хатай провинциясы қатты зардап шекті. Осы аймақтағы клубты жаттықтыратын Түркиядағы даңқты қақпашылардың бірі Волкан Демирель тікелей эфирде көзіне жас алды, деп жазады Сumhuriyet басылымы.
Instagram желісі арқылы тікелей эфирге шыққан Волкан аймақтағы жағдайдың өте мүшкіл екенін айтып, көпшіліктен көмек сұраған.
"Мында бәрі де бақытсыз. Хатайда бәрі ажал құшып жатыр. Өтінемін, жедел жәрдем, көмектесіңіздерші. Жағдай өте қиын.Біз адамдармен байланыса алмай жатырмыз, көмектесіңіздер! Бұл Хатайда ғана емес, осындағы жақын ауылдардың бәрінде болып жатқан жағдай. Алла разылығы үшін көмектесіңіздерші, жалынамын", - деген Демирель көз жасын тоқтата алған жоқ.
Қазіргі таңда Волкан Демирель Түркияның "Хатайспор" командасын жаттықтырады.
- Түркиядағы зілзала: Қаза тапқандар саны 3,3 мыңнан асты
- Түркиялық бапкер жойқын жер сілкінісінде 15 туысынан айырылып қалды
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2008375-turkiya-futbolynyn-anyzy-volkan-demirel-tikelei-efirde-koz-zasyn-toqtata-almady/