"Реал Мадридтің" 21 матчқа созылған жеңіліссіз сериясы аяқталды
Опубликовано:
Бүгін, 19 қаңтарда Испания кубогының 1/8 финалында мадридтік "Атлетико" мен "Реал" футбол клубтары кездесті. Ойын нәтижесі бойынша "Атлектико Мадрид" жеңіске жетті. Бұл туралы KAZ.NUR.KZ тілшісі хабарлайды.
Карло Анчелоттидің шәкірттері соңғы 21 ойында жеңілмеген еді. Мадридтік "Реал" соңғы рет 2023 жылы қыркүйектің 25-і дәл осы "Атлетикоға" есе жіберді. Сол кездесу 3:1 есебімен Симеоненің шәкірттерінің пайдасына шешілген болатын.
Ал кешегі матчтың негізігі уақытында командалар 2:2 есебімен тең түсті. "Атлетико Мадрид" сапынан Самуэл Лино (39) мен Альваро Мората (57) гол соқты. Ал команда голкипері Ян Облак автогол жіберіп, есепті қысқартты. "Реал Мадрид" сапынан Хоселу (82) қарсылас команда қақпасына гол соғып, ойынды экстра-таймдарға ұластырды.
Қосымша уақытта Антуан Гризманның (100) және Родриго Рикельменің (119) соққан голы "Атлетикоға" жеңіс сыйлады. Осылайша "Атлетико Мадрид" ширек финалға жолдама алды. Олардың келесі қарсыласы жеребе арқылы анықталады.
Өткен аптада "Атлетико" мен "Реал" Испания Суперкубогының бірінші жартылай финалында кездесіп, "Реал Мадрид" жеңіске жеткен еді.
Сонымен қатар Испания кубогының ширек финалына "Барселона" футбол клубы да жолдама алды. Каталониялықтар 3:1 есебімен "Униостас де Саламанка" командасын жеңді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2056353-real-madrid-futbol-kluby-ispaniya-kubogyndagy-zarys-zolyn-ayaqtady/