Холанд пен Эдегор да бар: Норвегия құрамасы Қазақстанға ұшып келді (видео)
Жарияланған күні:
Футболдан Норвегия ұлттық құрамасы УЕФА Ұлттар лигасы аясында матч өткізу үшін Қазақстанға ұшып келді. Бұл туралы KAZ.NUR.KZ тілшісі хабарлайды.
Норвегиялық команда құрамында әйгілі футболшылар – "Манчестер Сити" шабуылшысы Эрлинг Холанд және лондондық "Арсеналдың" жартылай қорғаушысы Мартин Эдегор да бар.
Ұлттар лигасы аясында өтетін Қазақстан — Норвегия матчы 6 қыркүйекте Алматыдағы Орталық стадионда болады және жергілікті уақыт бойынша сағат 19:00-де басталады. Тікелей трансляцияны "Qazsport" телеарнасы көрсетеді.
Норвегия құрамасы Қазақстанға қарсы ойнайтын құрамын жария еткен болатын. Қазақстан ұлттық құрамасының бас бапкері Станислав Черчесов те алдағы матчтарға шақырылған ойыншылардың нақты тізімін жариялаған еді.
Айта кетейік, 9 қыркүйекте Қазақстан құрамасы Ұлттар лигасы аясында тағы бір матч өткізеді. Ұлттық құрама Любляна қаласындағы "Стожице" стадионында Словенияға қарсы ойнайды. Бұл матч Астана уақытымен сағат 23:45-те басталады.
Бас бапкер Станислав Черчесов команданың Норвегияға қарсы матчқа дайындығы жөнінде айтқан еді.
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/football/2157456-holand-pen-edegor-da-bar-norvegiia-quramasy-qazaqstanga-ushyp-keldi-video/