Англиялық "Челси" футбол клубының ойыншылары УЕФА Конференция лигасының жалпы кезеңі аясында "Астанаға" қарсы матч өткізу үшін Алматыға ұшып келді. Бұл туралы KAZ.NUR.KZ хабарлайды.
"Алматыға сәтті қондық", - делінген "Челси" футбол клубының X желісіндегі ресми парақшасында.
Айта кетейік, "Астана" – "Челси" ойыны бүгін, 12 желтоқсанда Алматыдағы Орталық стадионда өтеді. Матч сағат 20:30-да басталады. Англиялық клуб Instagram-дағы парақшасында алдағы ойынға арналған құрамын жариялады:
- Қақпашылар: Филип Йоргенсен, Лукас Бергстрем, Макс Меррик;
- Қорғаушылар: Аксель Дисаси, Тосин Адарабиойо, Ренату Вейга, Харрисон Мюррей-Кэмпбелл, Ричард Олисе, Джош Ачимпонг, Кайден Уилсон;
- Жартылай қорғаушылар: Кирнан Дьюзбери-Холл, Сэмьюэл Рак-Саки, Харви Вейл, Киано Дайер, Карни Чуквуэмека;
- Шабуылшылар: Педру Нету, Тайрик Джордж, Ато Ампа, Шумайра Мхеука, Марк Гиу.
Еске салайық, Алматы әкімдігі өкілдері "Астана" – "Челси" матчына байланысты жанкүйерлерге үндеу жасаған еді. Сондай-ақ ойын күні Алматы полициясы күшейтілген жұмыс режиміне көшетіні хабарланды.
Мақаланың түпнұсқасы: https://kaz.nur.kz/sport/football/2199336-chelsi-futbol-kluby-almatyga-qandai-qurammen-keldi-foto/
