Қазақстандық MMA шебері Қуат Хамитов пен ресейлік файтер Александр Шлеменко арасындағы жекпе-жек басқа күнге ауысты. Бұл туралы KAZ.NUR.KZ RCC лигасының Instagram-дағы парақшасына сілтеме жасап хабарлайды.
RCC 19 халықаралық турнирі 11 мамырда Екатеринбургта өтетін болды. Турнирдің басты оқиғасы – Александр Шлеменко мен Қуат Хамитов арасындағы жекпе-жек.
39 жастағы Шлеменконың есебінде 63 жеңіс пен 15 жеңіліс бар. Ол соңғы кездесуінде сербиялық файтер Александар Иличтен бірінші раундта техникалық нокаутпен басым түсті.
Қуат Хамитов мансабында 24 рет жеңіске жетіп, 8 рет жеңілген, 1 кездесуі тең аяқталған. Ол соңғы рет октагонға 2023 жылы мамыр айында шығып, Ресей өкілі Залимхан Юсуповты ұтқан еді.
Айта кетейік, Қуат Хамитов Қазақстан құрамасы Грекиядан ірі есеппен жеңілген соң матч туралы ойын айтқан еді. Сондай-ақ ұлттық құрама Люксемберге есе жібергеннен кейін де MMA шебері пікір білдірді.
Мақаланың түпнұсқасы: https://kaz.nur.kz/sport/mma/2078963-quat-xamitovtin-kelesi-zekpe-zegi-basqa-kunge-auysty/
