Азиада-2023: семсерлесуден Қазақстан құрамасы ширек финалға шықты
Опубликовано:
Қытайдың Ханчжоу қаласында Азия ойындары жалғасып жатыр. Бүгін спорттық додада семсерлесуден Қазақстан ерлер құрамасы өнер көрсетіп, Азиаданың ширек финалына шықты, деп хабарлайды KAZ.NUR.KZ.
Қазақстандық спортшылар Азия ойындарын аясында Моңғолия құрамасымен кездесіп, оларды 45:12 есебімен жеңді.
Қазақстан құрамасының атынан ел намысын Руслан Курбанов, Вадим Шарлаимов пен Ерлік Сертай қорғады.
Айта кетейік, бұған дейін Азия ойындарында саблямен семсерлесуден Қазақстан құрамасы қола жүлдені жеңгенін хабарлаған едік.
Оған қоса Эльмир Әлімжанов шпагамен семсерлесуден Азия ойындарының қола жүлдегері атанды.
Айта кетейік, Ханчжоудағы Азия ойындары 23 қыркүйек пен 8 қазан аралығында өтеді. Оған елімізден 500-ден астам спортшы қатысады.
Қазіргі уақытта ел қоржынында 20 медаль бар. Отандастарымыз үш алтын, екі күміс, 15 қола жеңіп алды.
- Азия ойындары: Баскетболдан ұлттық құрама плей-офф кезеңіне шықты
- Аян Бейсенбаев Азия ойындарының қола жүлдегері атанды
Мәтіннен қате тапсаңыз, бізге жазыңыз
Оригинал статьи: https://kaz.nur.kz/sport/other-sports/2038739-aziada-2023-semserlesuden-qazaqstan-quramasy-sirek-finalga-syqty/