Эльмир Әлімжанов шпагамен семсерлесуден Азия ойындарының қола жүлдесіне ие болды

Қазақстандық спортшы Эльмир Әлімжанов шпагамен семсерлесуден Азия ойындарының қола жүлдесіне ие болды, деп хабарлайды KAZ.NUR.KZ.

Эльмир Әлімжанов жартылай финалда өнер көрсетіп, ел қоржынына тағы бір қола медаль түсірді.

Қазақстандық финалға жолдама үшін жапониялық спортшымен кездесіп, оған есе жіберді. Кездесу 9-15 есебімен аяқталды.

Айта кетейік, Ханчжоудағы Азия ойындарында қазақстандық спортшылар әзірге екі күміс, алты қола иеленді.

Дзюдодан Абиба Әбужақынова Азия ойындарының күміс жүлдегері атанса, Мағжан Шамшадин, Эсмигул Куюлова мен Абылайхан Жұбаназар қола жүлдесіне ие болды.

Сондай-ақ Николай Чирюкин де ел қоржынына Азия ойындарының қола жүлдесін түсірді.

Оған қоса жылжымалы нысана көздеуден аралас жұптық сында Ислам Сәтбаев пен Александра Ли қола жүлдегер атанса, қазақстандық мергендер Асадбек Назиркулов, Бахтияр Ибраев және Андрей Худяков күміс жүлдеге ие болды.