Мемлекет басшысы Қасым-Жомарт Тоқаев Қазақстан мен Сан-Марино матчынан кейін кішкентай жанкүйерге мойынорағышын берді.
Айта кетейік, кеше, 17 қарашада Қазақстан өз алаңында Сан-Марино құрамасын қабылдап, 3-1 есебімен жеңіске жетті. Ислам Чесноков дубль авторы атанса, Абат Айымбетов бір гол соқты.
Отандық футболшыларды қолдау үшін "Астана аренаға" ел президенті Қасым-Жомарт Тоқаев, әнші Димаш Құдайберген, спортшы Ольга Рыпакова, туризм және спорт министрі Ермек Маржықпаев және басқа да белгілі адамдар келді.
Президенттің баспасөз қызметі Telegram арнасында жеңістен кейін Тоқаевтың ұлттық құрамаға жанкүйер болуға келген кішкентай балаға мойынорағышын берген сәтінен видео жариялады.
Мақаланың түпнұсқасы: https://kaz.nur.kz/sport/other-sports/2046396-qazaqstan-men-san-marino-matcyn-koruge-bargan-toqaev-moiynoragysyn-kiskentai-balaga-berdi-video/
