Халықаралық теннис федерациясы (ITF) жасөспірімдер арасындағы әлемдік рейтингті жаңартты. Бұл туралы KAZ.NUR.KZ ITF ұйымының ресми сайтына сілтеме жасап хабарлайды.
Жаңарған рейтингте қазақстандық теннисші Әмір Омарханов 11 cатыға жоғарылап, 16-орынға жайғасты. Оның активінде 1255 ұпай бар.
Рейтингте Аустрия өкілі Джоел Шварцлер көш бастап тұрса, екінші орынға бразилиялық теннисші Жоао Фонсека табан тіреді, ал үздік үштікті жапониялық спортшы Рей Сакамато түйіндеген.
Айта кетейік, Әмір Омарханов Australian Open Juniors турнирінің ширек финалына өткен алғашқы қазақстандық теннисші атанды. Бірақ ол жарыстың жартылай финалына шыға алмады. Әмір ширек финалда жасөспірімдер арасында әлемнің 25-ракеткасы, Нидерланд өкілі Мес Ротгерингпен кездесіп, жеңіліп қалған еді.
Мақаланың түпнұсқасы: https://kaz.nur.kz/sport/other-sports/2058492-tennissi-amir-omarxanov-alemdik-reitingte-11-satyga-zogarylady/
