"Ұмытып қалған шығармын": Әбиба Әбужақынова тамақ пісірмегеніне 9 жыл болғанын айтты

Қазақстандық дзюдошы Әбиба Әбужақынова журналист Ақырыс Сейтқазының Youtube-тағы арнасына берген сұқбатында 9 жылдан бері тамақ пісірмегенін айтып, оның себебін де түсіндірді. Бұл туралы KAZ.NUR.KZ хабарлайды.

"Көбі мені тамақ пісіре алмайды деп ойлайтын шығар. Жоқ, жасай аламын. Бірақ тамақ пісірмегеніме 9 жыл болды. Мен интернатта оқығанда бізге тегін тамақ беретін. Ал университетте жүргенде қыздармен пәтерде тұрдым, тамақты солар жасайтын. Өйткені мен жаттығудан кеш келетінмін. Қазір енді тамақты анашым пісіреді, мен жасамаймын. Ұмытып қалған шығармын", - деді Әбужақынова.

Еске салайық, Әбиба Әбужақынова болашақ жарының спортшы болғанын қалайтынын айтып, оның себебін де атаған еді. Сондай-ақ дзюдошы ата-анасының жұмыс істемейтінін, оларды өзі асырап отырғанын айтқан болатын.

Әбиба Әбужақынова – екі Азия чемпионатының күміс жүлдегері (2021, 2022), екі әлем чемпионатының қола жүлдегері (2022, 2024), әлемдік Гран-при кезеңінің жеңімпазы (2023), Азия ойындарының күміс жүлдегері (2023), әлемдік Гран-при кезеңінің қола жүлдегері (2023), "Үлкен Дулыға" кезеңінің күміс медаль иегері (2024), Қазақстанның еңбек сіңірген спорт шебері, Халықаралық дәрежедегі спорт шебері. Ол биыл Париж Олимпиадасында қола жүлдеге таласта швециялық Тара Бабулфаттан жеңіліп, 5-орын алған еді.

Мәтіннен қате тапсаңыз, бізге жазыңыз